رابطة محبي اللغة العربية بمدرسة كورونا التجريبية تحت إشراف أ / عبدالله جمعة
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 تعرف على نفسك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lovely.rose

avatar

عدد المساهمات : 13
السٌّمعَة : 1
تاريخ التسجيل : 17/04/2010
العمر : 21

مُساهمةموضوع: تعرف على نفسك   الأحد أبريل 18, 2010 8:52 am

السلام عليكم ورحمة الله وبركاته

ممكن تركز معايا شويه انا مش هاخد من وقتك كتيييير
احنا هنلعب مع بعض لعبه مختلفة!!


لعبه....يمكن تعرفك شوية حجات عن نفسك!!!
بكل بساطه انا هسألك شوية اسئلة بعد كل سؤال فكر كويس اوي اوي في الاجابه وخليك فاكرها وبعدين كمل وفي الاخر هتفهم الكيته كلها.....

يلا بينا



دلوقتي ياسيدي انته في غابه اوصف الغابه دي؟وحاسس بي ايه؟؟
يعني قلقان؟؟مطمن؟؟فرحان؟؟زعلان؟؟
يلا خد وقتك وفكر...

وانته ماشي في الغابه لقيت فنجان في الارض!!اوصف الفنجان ده!
شكلوا ايه؟؟وانته ماشي هتاخدوا معاك ولا لا...
خلاص قررت؟؟


تمااااام
بعد كده وانته مكمل رحلتك فجأه لقيت اسد جي نحيتك!!!
هتتعامل معاه ازاي؟؟بعد ما اتعاملت مع الاسد بالطريقه اللي قررتها وانته مكمل مشي في الغابه لقيت بحيره
اوصف البحيره دي؟؟؟وفكر كده
هتنزلها؟؟هتقعد عليها؟؟هتتجاهلها تماما؟؟
شوف انته هتتعامل معاها ازاي
هااااا فاكر اجباتك كويس؟؟؟
افتكرها كويس لان دلوقتي هنروح للمرحله التانيه والاخيره!!!
7
7
7
7
7
7
7
7
7
7
7
انته دلوقتي في صحرا زي ما وصفت الغابه واحساسك وانته فيها...اوصف الصحرا واحساسك وانته فيها؟؟
بعد كده وانته ماشي في الصحرا لقيت صندوق شكل الصندوق ده ايه؟؟ولما تفتحوا هتلاقي فيه ايه؟؟؟
خلصنا الصندوق

وانته ماشي في الصحرا بعد كده لقيت سلم!!شكلوا ايه السلم ده؟؟طويل قصير؟؟ ولو وقفت عليه هيشيلك؟؟

وانته ماشي هتاخدوا معاك؟؟؟ خلي بالك مهم اوي انك تبقى فاكر اجابتك


يلا نكمل
وانته مكمل مشي في الصحرا لقيت حصان!!اوصف الحصان ده؟؟
اوصفوا كويس وبالتفاصيل؟؟

وبعدين فكر كده الحصان ده هيأمنلك؟؟
وانته هتتعامل معاه ازاي
وهتاخدوا معاك ولا لا؟؟

اخر حاجه بقى

وانته ماشي في الصحرا دي لقيت سور!!
السور ده طويل وعريض....انته مش شايف اخروا لا طول ولا عرض...
هتتعامل مع السور ده ازاي؟؟؟قدامك احتمالات كتييييير
تقعد تحت وتستنى الفرج؟؟تمشي جنوا لحد ما تجيب اخروا؟؟
تحاول تفتح فيه فتحه؟؟
شوف ويلا فكر........
خلاص كده خلصنا....
7
7
7
7


يلا نعرف بسرعه دلالة كل سؤال من دوووول

الغابه والصحرا!!هما حياتك اللي انته عايشها
فاكر انته وصفتها ازااااي؟؟وكان احساسك فيهم ايه؟؟

ندخل بقى على بقيت الحجات اللي كانت في الغابه الاول
الفنجان
هما الناس اللي انته بتقابلهم في حياتك!!ورأيك فيهم ايه؟؟
والاسد هيه المشاكل!!وطريقة تعاملك معاها؟؟
البحيره بقى
هيه الحياه العاطفيه!انته وصفتها وقولت اذا كنت هتنزلها ولا لا؟؟
فاضل الصحرا
الصندوق هوا انته من جوا!!فاكر انته لقيت جواه ايه؟؟والسلم!!
هوا الاصدقاء
عشان كده سألتك هوا هيشيلك ولا لا
واذا كان طويل ولا قصير
اما الحصان بقى
هوا شريك الحياه!!انته وصفت وقولت هتتعامل معاه ازاي؟؟اما السور ياسيدي هوا القدر!!بكرا
المستقبل
طريقة تعاملك مع السور ده هي نفس الطريقه اللي انته بتحاول تعرف بيها بكرا عامل ازاي؟


بس كده احنا خلصنا!!!!

يارب يكون عجبكم Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر احمد

avatar

عدد المساهمات : 8
السٌّمعَة : 1
تاريخ التسجيل : 13/04/2010
العمر : 22

مُساهمةموضوع: اكتر من رائع   الأحد أبريل 18, 2010 10:01 am

ممتاز بس انتي مين ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lovely.rose

avatar

عدد المساهمات : 13
السٌّمعَة : 1
تاريخ التسجيل : 17/04/2010
العمر : 21

مُساهمةموضوع: رد: تعرف على نفسك   الأحد أبريل 18, 2010 10:46 am

شكرا انا رشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعرف على نفسك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة محبي اللغة العربية :: القسم الاول :: قسم ترفيهي-
انتقل الى: